வீதி அபிவிருத்தி பணிக்கான பொருள்கள் களவு

-செ. கீதாஞ்சன்

முல்லைத்தீவு - புதுக்குடியிருப்பு பிரதேசத்துக்கு உட்பட்ட இருவேறு பகுதிகளில் வீதி அபிவிருத்தி பணிகள் முன்னெடுக்கப்பட்டு வருகின்ற நிலையில், குறித்த பகுதிகளில் அபிவிருத்தி பணிக்காக பயன்படுத்தப்பட்ட இரும்பு பொருள்கள் களவாடப்பட்டுள்ளதாக, புதுக்குடியிருப்பு பொலிஸ் நிலையத்தில் முறைப்பாடு செய்யப்பட்டுள்ளது.

புதுக்குடியிருப்பு - மன்னாகண்டல் வீதியின் 6 கிலோமீற்றர் வீதி மற்றும் பாலம் திருத்த பணிகள் ஒப்பந்தக்காரர்களால் மேற்கொள்ளப்பட்டு வருகின்றன. புதுக்குடியிருப்பு - பரந்தன் வீதியில் காளிகோவிலடி பாலம் புனரமைக்கப்பட்டு வருகின்றன.

இவ்விரண்டு இடங்களிலும் அபிவிருத்தி பணிக்காக பயன்படுத்தப்பட்டு வந்த சில இரும்பு பொருள்களே களவாடப்பட்டுள்ளதாக, புதுக்குடியிருப்பு பொலிஸ் நிலையத்தில் ஒப்பந்தக்தாரர்களால் முறைப்பாடு பதிவு செய்யப்பட்டுள்ளது.

இது குறித்த புதுக்குடியிருப்பு பொலிஸார் விசாரணைகளை முன்னெடுத்து வருகின்றனர்.