கலந்து செலுத்திக்கொண்டால் எதிர்ப்புச் சக்தி அதிகரிக்கும்

 இரண்டு வெவ்வேறு கொரோனாத்  தடுப்பூசிகளை கலந்து  செலுத்திக் கொண்டால் நோய் எதிர்ப்புச் சக்தி அதிகரிப்பதாக சுவீடனில்  நடத்தப்பட்ட ஆய்வொன்றில் இருந்து தெரியவந்துள்ளது.

 குறித்த ஆய்வுக்காக 7 லட்சம் பேர் பயன்படுத்தப்பட்டனர் எனவும் அவர்களுக்கு முதலாம் கட்டத்  தடுப்பூசியாக அஸ்ட்ராசெனேகா தடுப்பூசியும், 2ஆம் கட்டத் தடுப்பூசியாக   பைசர் தடுப்பூசியும் செலுத்தப்பட்டு 2½ மாதங்கள் தொடர் கண்காணிப்பில் வைக்கப்பட்டனர் எனவும்   தெரிவிக்கப்படுகின்றது.

இதன்போது 2 வெவ்வேறு தடுப்பூசிகளை செலுத்திக் கொண்டவர்களுக்கு கொரோனாத் தொற்றுத்  தாக்கும் ஆபத்து 67 சதவீதம் குறைவாக இருப்பதாகவும், எனினும்  2 தவணையும் அஸ்ட்ராசெனேகா தடுப்பூசி செலுத்தப்பட்டிருந்தால் , நோய் அபாயம் 50 சதவீதம் மட்டுமே குறைவாக இருப்பதாகவும்  கண்டறியப்பட்டுள்ளமை குறிப்பிடத்தக்கது.