‘போகோ ஹராம் தலைவர் இறந்தார்’

போகோ ஹராமின் தலைவர் அபுபக்கர் ஷெகாகு இறந்துள்ளதாக ஐ.எஸ்.ஐ.எஸ் ஆயுதக் குழுவின் மேற்கு ஆபிரிக்க மாகாண ஒலிப் பதிவு ஒன்று நேற்று தெரிவித்துள்ளது.

கடந்த மாதம் 18ஆம் திகதி அளவில் ஷெகாகு இறந்ததாக குறித்த ஆபிரிக்க மாகணத் தலைவர் அபு முஸாப் அல்-பர்னாவி ஒலிப் பதிவில் குறிப்பிட்டுள்ளார்.

மோதல் ஒன்றையடுத்து தமது போராளிகளால் தேடப்பட்டபோதே வெடிக்கும் சாதனம் ஒன்றை ஷெகாகு வெடிக்க வைத்ததாக அல்-பர்னாவி கூறியுள்ளார்.