உள்ளூராட்சிமன்றத் தேர்தல்; விசாரணைக்கு நாள் குறிப்பு

தொடர்ந்து ஒத்திவைக்கப்பட்டு வரும் உள்ளூராட்சிமன்றத் தேர்தலை விரைவில் நடத்த உத்தரவிடுமாறு வலியுறுத்தித் தாக்கல் செய்யப்பட்டுள்ள மனு​வை விசாரணைக்கு எடுத்துக்கொள்ள, உயர் நீதிமன்றம் நேற்று (17) தீர்மானித்தது.

அதன்படி, இந்த விவகாரம் தொடர்பில் தாக்கல் செய்யப்பட்டுள்ள 3 மனுக்களை, செப்டெம்பர் 9ஆம் திகதியன்று விசாரணைக்கு எடுத்துக்கொள்ள, உயர் நீதிமன்றத்தின் மூன்று நீதியரசர்கள் குழு தீர்மானித்தது.

உண்மைக் கண்டுபிடிப்பாளர்கள் அமைப்பினால், மேற்படி மூன்று மனுக்களும் தாக்கல் செய்யப்பட்டுள்ள நிலையில், இந்த மனுக்களில் குறிப்பிடப்பட்டுள்ள பிரதிவாதிகளுக்கு நோட்டீஸ் அனுப்பவும் நடவடிக்கை எடுக்கப்பட்டுள்ளது.