ஆர்.ஆர்.ஆர் படத்தின் வெளியீட்டில் தாமதம்

‘இரத்தம் ரணம் ரெளத்திரம்’ (ஆர்.ஆர்.ஆர்) படம், ஜனவரி மாதம் 7ஆம் திகதி திரையரங்குகளில் வெளியாக இருப்பதாக படக்குழுவினர் அறிவித்திருந்த நிலையில் படத்தின் வெளியீட்டு திகதி மாற்றம் செய்யப்பட்டுள்ளதாக தகவல்கள் வெளியாகியுள்ளது. 

ஏப்ரல் மாதம் படத்தை வெளியிட படக்குழுவினர் தீர்மானிதிருப்பதாகவும் விரைவில் அதிகாரப்பூர்வ அறிவிப்பு வெளியாகும் என்றும் எதிர்பார்க்கப்படுகிறது.

பாகுபலி படத்தின் பிரம்மாண்ட வெற்றியை தொடர்ந்து ராஜமவுலி இயக்கத்தில் தற்போது உருவாகி இருக்கும் ‘இரத்தம் ரணம் ரெளத்திரம்’ படத்தில் பிரபல தெலுங்கு நடிகர்கள் ராம்சரண் மற்றும் ஜூனியர் என்.டி.ஆர் முதன்மை கதாபாத்திரங்களில் நடித்துள்ளதுடன், இப்படம் தமிழ், தெலுங்கு, மலையாளம், கன்னடம், இந்தி உள்ளிட்ட 5 மொழிகளில் தயாராகியுள்ளது. 

கொரோனா பாதிப்பு அதிகரித்து வருவதால், திரையரங்குகள் உள்ளிட்ட அனைத்து அரங்கங்களிலும் அனுமதிக்கப்பட்ட இருக்கைகளில் அதிகபட்சம் 50 சதவீத பார்வையாளர்களுடன் மட்டும் செயல்பட அனுமதி வழங்கப்பட்டுள்ளமை குறிப்பிடத்தக்கது.