இன்ஸ்டாவில் கதறி அழுத பிரபல நடிகை மர்ம மரணம்

பிரபல இளம் நடிகையொருவர் வாரணாசியில் உள்ள ஹோட்டல் அறையொன்றில் மர்மமான முறையில் சடலமாக மீட்கப்பட்டுள்ள சம்பவம் பெரும் பரபரப்பை ஏற்படுத்தியுள்ளது.

போஜ்புரி படங்களில் நடித்தன் மூலம்  பிரபலமடைந்த ‘அகான்க்ஷா‘ என்ற 25 வயதான நடிகையே நேற்று முன்தினம் இவ்வாறு சடலமாக மீட்கப்பட்டுள்ளார்.

இவர் இறப்பதற்கு சில மணிநேரங்களுக்கு முன்னர்  இன்டாகிராமில்  பேசிக்கொண்டிருந்த போது திடீரென கதறி அழுதார்  என்பதும் குறிப்பிடத்தக்கது.

இந்நிலையில் அவரது உடலை மீட்ட பொலிஸார் பிரேத பரிசோதனைக்காக வைத்தியசாலைக்கு அனுப்பி வைத்துள்ளனர்.

மேலும் அவரது மரணம் கொலையா? தற்கொலையா? என்பது உடற்கூராய்வு முடிவுகள் வெளிவந்த பின்னரே கூற முடியும் எனவும் இது குறித்த  தீவிர விசாரணைகளை தாம் முன்னெடுத்து வருவதாகவும் தெரிவித்துள்ளனர்.

‘அகான்க்ஷாவின் மரணம் அவரது ரசிகர்கள் மத்தியில்  அதிர்ச்சியையும் சோகத்தையும் ஏற்படுத்தியுள்ளது.