எரிபொருளைப் பெறுவது எப்படி? உங்கள் வாகன இலக்கம் என்ன?

 இலங்கையில் நிலவும் எரிபொருள் விநியோக அழுத்தங்களைக் குறைக்கும் நோக்கில், வாகன இலக்கத் தகட்டின் கடைசி இலக்கத்தின் அடிப்படையில் எரிபொருள் விநியோகிக்கும் முறை எதிர்வரும் மார்ச் 19ஆம் திகதி முதல் நடைமுறைப்படுத்தப்படவுள்ளதாக இலங்கை பெட்ரோலியக் கூட்டுத்தாபனம் (CPC) அறிவித்துள்ளது.

தற்போது நடைமுறையிலுள்ள QR குறியீட்டு (QR Code) முறையுடன் இணைந்ததாக இந்த புதிய நடைமுறை அமையும் என பெட்ரோலியக் கூட்டுத்தாபனத்தின் மேலாண்மை பணிப்பாளர் மயூர நெத்திகுமார தெரிவித்துள்ளார்.

புதிய விநியோக முறை விபரங்கள்:

எரிபொருள் விநியோகமானது திகதிகளின் அடிப்படையில் பின்வருமாறு வகைப்படுத்தப்பட்டுள்ளது:

• இரட்டை எண்கள் கொண்ட திகதிகள் (02, 04, 06...): வாகன இலக்கத் தகட்டின் கடைசி இலக்கம் 0, 2, 4, 6, 8 என முடிவடையும் வாகனங்களுக்கு எரிபொருள் வழங்கப்படும்.
• ஒற்றை எண்கள் கொண்ட திகதிகள் (01, 03, 05...): வாகன இலக்கத் தகட்டின் கடைசி இலக்கம் 1, 3, 5, 7, 9 என முடிவடையும் வாகனங்களுக்கு எரிபொருள் வழங்கப்படும்.

எரிபொருள் விநியோகத்தில் ஏற்பட்டுள்ள அதிகரித்த தேவையைக் கட்டுப்படுத்தும் நோக்கில், கடந்த மார்ச் 16ஆம் திகதி முதல் QR குறியீடு அடிப்படையிலான விநியோக முறையை அரசாங்கம் மீண்டும் கட்டாயமாக்கியிருந்தமை குறிப்பிடத்தக்கது.