சேதுபதியின் புதிய முயற்சி

மக்கள் செல்வன் விஜய் சேதுபதி தனது நிறுவனம் தயாரிக்க இருக்கும் வெப் திரைப்படம் குறித்த ஒரு அறிவிப்பை வெளியிட்டுள்ளார். ஒரு மணி நேரம் மட்டுமே ஓடும் வகையில் தயாரிக்கப்படும் இந்த வெப் திரைப்படத்தின் டைட்டில் ’முகிழ்’என்று அவர் தனது சமூக வலைத்தளத்தில் அறிவித்துள்ளார்

இந்த திரைப்படத்தின் டிரைலர் புத்தாண்டு தினத்தில் அதாவது இன்று(01) மாலை 5 மணிக்கு வெளியாகும் என்று விஜய் சேதுபதி அறிவித்துள்ளார்.

இந்தத் திரைப்படத்தில் விஜய் சேதுபதியின் மகள் ஸ்ரீஜா முக்கிய வேடத்திலும் இன்னொரு முக்கிய வேடத்தில் நடிகை ரெஜினாவும் நடிக்க உள்ளார்கள். கார்த்திக் என்பவர் இயக்க உள்ளார்.

பெண் இசையமைப்பாளர் ரீவா இசையில், சத்யா ஒளிப்பதிவில் உருவாகும் இந்தப் திரைப்படம் விரைவில் ஓடிடி பிளாட்பாரத்தில் வெளியாகும் என்று எதிர்பார்க்கப்படுகிறது.