நடிகை கல்பனா திடீர் மரணம்

தமிழ், மலையாளம் ஆகிய மொழிகளில் நடித்துள்ள நடிகை கல்பனா இன்று காலை திடீரென மரணமடைந்தார். ஐதராபாத்தில் கடந்த சில நாட்களாக படப்பிடிப்பில் இருந்த கல்பனாவுக்கு இன்று (25) அதிகாலை திடீரென உடல்நலக்குறைவு ஏற்பட்டது. 

இதனையடுத்து ஐதராபாத்தில் உள்ள வைத்தியசாலையில் அனுமதிக்கப்பட்ட அவர் சிகிச்சை பலனளிக்காமல் மரணமடைந்தார். கல்பனா, இருதய நோயால் பாதிக்கப்பட்டிருந்ததாக வைத்தியசாலை வட்டாரங்கள் தெரிவிக்கின்றன.

அதிகமாக மலையாளத் திரைப்படங்களிலும், சில தமிழ்த் திரைப்படங்களிலும் நடித்துள்ள நடிகை கல்பனா, நடிகைகள் ஊர்வசி, கலாரஞ்சனி ஆகியோரின் சகோதரி ஆவார்.