வீடு திரும்பினார் நடிகர் ரஜினிகாந்த்

அமெரிக்காவிற்கு மருத்துவ பரிசோதனைக்காக சென்றிருந்த நடிகர் ரஜினிகாந்த் இன்று அதிகாலை சென்னை திரும்பினார்.

கடந்த 2016 ஆம் ஆண்டு மே மாதம் நடிகர் ரஜினிக்கு சிறுநீரக பாதிப்பு ஏற்பட்டதை அடுத்து அவருக்கு  அமெரிக்காவின் ராசெஸ்டர் நகரிலுள்ள  வைத்தியசாலையொன்றில்  சிறுநீரக மாற்று அறுவை சிகிச்சை மேற்கொள்ளப்பட்டது.

இதையடுத்து, அவ்வப்போது ரஜினிகாந்த் குறித்த  வைத்தியசாலையில் மருத்துவப் பரிசோதனைகளை  மேற்கொண்டு வருகிறார். அந்த வகையில்  கடந்த 19 ஆம் திகதி  சென்னையிலிருந்து  மத்திய அரசின் அனுமதியோடு ரஜனிகாந்த் அமெரிக்கா சென்றிருந்தார்.

அங்கு  மருத்துவப் பரிசோதனை முடிந்த பின் சில நாட்கள் ஓய்வெடுத்த அவர் இன்று அதிகாலை 3 மணி அளவில் விமானம் மூலம் சென்னை திரும்பினார். இதன் போது தான் நலமாக இருப்பதாகவும்,  மருத்துவ பரிசோதனைகள்  நல்லபடியாக முடிந்தன எனவும் அவர் தெரிவித்தார்.