நம்பர் 1 ஆகியதும் திருமணம்: திரிஷா

என்னுடைய வயதைப் பற்றி நான் கவலைப்படவில்லை. சினிமாவுக்கு வந்து 8 வருடங்கள்தான் ஆகின்றன. இன்னும் சாதிக்கவேண்டியவை நிறையவே இருக்கு. ஆகையினால் இப்போதைக்கு திருமணம் பற்றி சிந்திக்க மாட்டேன். இந்தியாவில் நம்பர் 1 நடிகை என்று பெயர் வாங்கிய பின்னர்தான் திருமணம் பற்றி சிந்திப்பேன் என நடிகை திரிஷா தெரிவித்துள்ளார்.

திருமண வயதை தாண்டிய பின்னரும் திருமணம் செய்துகொள்ளவில்லையா என அனைவரும் கேட்பதால் கடுப்பாகிய திரிஷா மேற்படி கருத்தை வெளியிட்டிருக்கிறார். அவர் மேலும் தெரிவிக்கையில்...

ஹிந்தியில் காட்டா மீட்டா தோல்விப்படம் என பலரும் பிரசாரம் செய்கிறார்கள். படத்தில் நடிப்பது மட்டும்தான் என் வேலை. அப்படத்தினை வெற்றிபெற வைப்பது என் வேலையில்லை. இப்பொழுதுதான் என் கைவசம் தரமான படங்கள் வரத் தொடங்கியிருக்கின்றன. மன்மதன் அம்பு படம் என்னை உச்சத்துக்கு கொண்டு செல்லும். அதேபோல் ஹிந்தி திரையுலகிலும் நிறைய நண்பர்கள் கிடைத்திருக்கிறார்கள். அவர்கள் மூலமாக மீண்டும் ஹிந்தியில் நடிப்பேன்.

அதேபோல் தெலுங்கு, மலையாளம் என எல்லா மொழிகளிலும் ஒரு ரவுண்டு வருவேன். அதன் மூலம் இந்தியாவில் நிச்சயமாக நம்பர் 1 நடிகை என்ற பெயர் எடுப்பேன். அதன் பின்னர்தான் என்னுடைய திருமணம் பற்றி சிந்திப்பேன் என திரிஷா கடுப்பாக பதில் கூறியிருக்கிறார்.