கார்த்தி – ரஞ்சனி திருமண வரவேற்பு

நடிகர் சிவகுமாரின் மகனும் நடிகருமான கார்த்தியின் திருமண வரவேற்பு சென்னையில் நேற்று மிகவும் விமரிசையாக நடைபெற்றது. நடிகர் - நடிகைகள், அரசியல் பிரமுகர்கள் என ஏராளமானோர் தங்களது குடும்பத்தாருடன் நேரில் வந்து மணமக்களை வாழ்த்தினார்கள்.

நடிகர் சிவக்குமாரின் இளைய மகன் நடிகர் கார்த்திக்கும், ஈரோடு அருகில் உள்ள கிலாம்பட்டியைச் சேர்ந்த சின்னசாமி - ஜோதி மீனாட்சியின் மகள் ரஞ்சனிக்கும் கடந்த 3ஆம் திகதி கோவையில் உள்ள கொடிசியா வளாகத்தில் திருமணம் நடைபெற்றது.

இந்நிலையில் புதிய மணத் தம்பதியரின் திருமண வரவேற்பு நிகழ்வு நேற்று வியாழக்கிழமை, சென்னை ஹோட்டலில் நடைபெற்றது. மணமக்களை முன்னாள் துணை முதலமைச்சர் மு.க.ஸ்டாலின், எம்.ஜி.ஆர்.கழக தலைவர் ஆர்.எம்.வீரப்பன், தமிழர் தேசிய கட்சி தலைவர் பழ.நெடுமாறன், இந்திய கம்யூனிஸ்ட் கட்சியின் தலைவர் நல்லக்கண்ணு, செயலாளர் மகேந்திரன், முன்னாள் எம்.பி. மலைச்சாமி, தே.மு.தி.க. நிறுவன தலைவர் விஜயகாந்தின் மனைவி பிரேமலதா, பத்திரிகையாளர் சோ, வி.ஐ.டி. பல்கலைக்கழக துணைத் தலைவர் ஜி.வி.செல்வம் ஆகியோர் நேரில் சென்று வாழ்த்தினார்கள்.

அத்துடன் திரைப்படத் தயாரிப்பாளர்கள் ஏவி.எம்.சரவணன், எம்.எஸ்.குகன், எல்.சுரேஷ், ராம்குமார், கலைஞானம், முக்தா சீனிவாசன், ஏவி.எம்.முருகன், எஸ்.ஏ.ராஜ்கண்ணு, கோவை மணி, கே.பாலு, திருப்பூர் மணி, ஏ.எல்.அழகப்பன், கோவை தம்பி, இயக்குனர்களான கே.பாலசந்தர், மணிரத்னம், பாலுமகேந்திரா, வசந்த், விக்ரமன், எழில், சமுத்திரகனி, பேரரசு, ஹரி, கரு.பழனியப்பன், சுரேஷ்மேனன், பார்த்திபன், தங்கர்பச்சான், பிரியா, ஏ.ஆர்.முருகதாஸ், ராதா மோகன் ஆகியோரும் நேரில் சென்று வாழ்த்தினார்கள்.

மேலும், நடிகர்கள் விஜய், சத்யராஜ், சிபிராஜ், ஆனந்தராஜ், சத்யன், பிரசன்னா, பரத், ஜெய், அனுமோகன், பிரகாஷ்ராஜ், மோகன், எஸ்.வி.சேகர், விவேக், ராஜேஷ், வை.ஜி.மகேந்திரன், டெல்லி கணேஷ், செந்தில், தியாகு, தெலுங்கு நடிகர் சிரஞ்சீவி, கன்னட நடிகர் புனித் ராஜ்குமார்.

நடிகைகளான மீனா, சுஹாசினி, மனோரமா, பழம்பெரும் நடிகை வைஜெயந்திமாலா, நக்மா, லட்சுமி, ஷோபனா, ஸ்ரீபிரியா, ஜெயசித்ரா, பின்னணி பாடகர்கள் டி.எம்.சௌந்தர்ராஜன், ஏ.எல்.ராகவன், சீர்காழி சிவசிதம்பரம், பாடகி பி.சுசிலா, கமலா தியேட்டர் அதிபர் வி.என்.சிதம்பரம் செட்டியார், இசையமைப்பாளர்கள் எம்.எஸ்.விஸ்வநாதன், தேவா, கணேஷ், டான்ஸ்மாஸ்டர் ரகுராம் மற்றும் ஏராளமான திரையுலக பிரமுகர்கள் நேரில் சென்று மணமக்களை வாழ்த்தினார்கள்.

அனைவரையும் நடிகர் சிவக்குமார், அவருடைய மனைவி லட்சுமி, மகன் சூர்யா, மகள் பிருந்தா, மருமகள் ஜோதிகா ஆகியோர் வரவேற்று உபசரித்தமை குறிப்பிடத்தக்கது.