வீதியில் நிர்வாணமாக ஓடுவேன்: மாதவன்

செய்யும் தொழிலே தெய்வம் என்று நினைப்பவன் நான். நான் நடிக்கும் திரைப்படத்தில் வீதியில் நிர்வாணமாக ஓட வேண்டிய கதாபாத்திரம் அமைந்தால், அதனைச் செய்ய நான் மறுப்பு தெரிவிக்க மாட்டேன். தயக்கமின்றி நடிப்பேன்' என்று தைரியமாக தனது நிலைப்பாட்டை வெளிப்படுத்தியுள்ளார் நடிகர் மாதவன்.

நடிகர் மாதவன், பொலிவூட் நடிகை பிபாஷா பாசுவுடன் இணைந்து நடிக்கும் இந்தி திரைப்படம் 'ஜோடி பிரேக்கர்ஸ்'. இத்திரைப்படம் இன்று வெளியாகிறது. இந்நிலையில் இந்த படம் குறித்து மாதவன் கூறியதாவது,

ஜோடி பிரேக்கர்ஸ் திரைப்படத்தில் எனக்கு கொடுக்கப்பட்டுள்ள கதாபாத்திரம் மிகவும் பிடித்துள்ளது. நல்லவனாக நடித்து, நடித்து சலித்துப்போய்விட்டது. அதனால் இந்த திரைப்படத்தில் எனது கதாபாத்திரம் சுவாரஸ்யமாக உள்ளது. செய்யும் தொழிலே தெய்வம் என்று நினைப்பவன் நான்.

எனவே, திரைப்படத்திற்கு தேவைப்பட்டால் வீதியில் நிர்வாணமாகக் கூட ஓடுவேன். இந்நிலையில், ஜோடி பிரேக்கர்ஸ் திரைப்படத்தில் வரும் முத்தக் காட்சிகளில் நடிக்க எனக்கு கஷ்டமாக இல்லை' என்று கூறியுள்ளார் நடிகர் மாதவன்.