பட்டையை கிளப்பும் மாதுரிமா

பெங்காலி நடிகையான மாதுரிமா பெனர்ஜி - தற்போது தமிழ், தெலுங்கு, ஹிந்தி என மூன்று மொழிகளில் பிஸியான நடிகையாகிக் கொண்டிருக்கிறார். 

சமீபத்தில் தமிழில் வெளியான ஆம்பள திரைப்படத்திலும் இவர் நடித்திருந்தார், தற்போது தெலுங்கில் ஜூனியர் என்டிஆர், நாக சைதன்யா என முன்னணி நடிகர்களின் திரைப்படங்களில் நடித்துக் கொண்டிருக்கிறார். 

இயக்குநர் சுதீர் வர்மா இயக்கத்தில் நாக சைதன்யா நடித்துக் கொண்டிருக்கும் திரைப்படத்தில் ஒரு பாடலுக்கு கவர்ச்சி குத்தாட்டம் போட்டிருக்கிறாராம் மாதுரிமா. 

சும்மா கவர்ச்சிக்காக மட்டும் இந்த பாடலை படமாக்கவில்லை, திரைப்படத்தின் முக்கியமான கட்டத்தில் இந்த பாடல் கதையோடு ஒன்றியே வருகிறது என்று கூறுகிறார் இயக்குநர் சுதீர் வர்மா. 

பாடல் மட்டுமல்லாமல் குணச்சித்திர வேடங்களிலும் இவர் நடித்துக் கொண்டிருக்கிறார். ஜூனியர் என்டிஆரின் டெம்பர் திரைப்படத்திலும் ஒரு முக்கியமான கதாபாத்திரத்தில் நடித்துக் கொண்டிருக்கிறார், மேலும் ஆக்ஷன் காட்சிகளிலும் இவர் பட்டைய கிளப்புகிறாராம்.