‘இதுவே கடைசி படம்’

மக்கள் நீதி மையத்தின் தலைவரும் தமிழ் சினிமாவின் மூத்த நடிகருமான கமல் ஹாசன், அரசியல் கட்சி தொடங்கி அதற்காக பட்டி தொட்டி எங்கும் நேரடியாக களமிறங்கி அதை பிரபலப்படுத்தி வருகிறார்.

சமீபத்தில் தமிழக டெல்டா பகுதியில் கஜா புயலால் பாதிக்கப்பட்ட பகுதிகளுக்கு மக்கள் நீதி மையத்தின் சார்பாக சென்று 20 மில்லியன் ரூபாய் நிவாரண உதவி செய்தார்.

மற்றைய நடிகர்கள் போல நன்கொடை கொடுத்ததோடு நிற்காமல், நேரடியாக பாதிக்கப்பட்ட டெல்டா பகுதி மக்களை நேரடியாக சந்தித்து அவர்களுக்கு ஆறுதல் வார்த்தையும் கூறி வந்தமையையும் காணமுடிந்தது.

இந்நிலையில் இயக்குநர் ஷங்கர் இயக்கத்தில் கமல்ஹாசன் நடிக்கும் இந்தியன் 2 பட வேலைகள் பிரமாண்டமாக நடந்து வருகின்றன.

இதுகுறித்து தற்போது கமல்ஹாசன் தனது டிவிட்டர் பக்கத்தில் பதிவிட்டிருப்பதாவது, 2019ஆம் ஆண்டு நடைபெறவிருக்கிற நாடாளுமன்ற தேர்தலில் மக்கள் நீதி மய்யம் போட்டியிடும் என்பதால், இந்தியன் 2 படமே என் நடிப்பில் வெளிவரும் கடைசி படமாக இருக்கும் என்று பதிவிட்டுள்ளார்.

இந்தப்பதிவு அரவரது இரசிகர்களுக்கு  அதிர்ச்சியை ஏற்படுத்தியுள்ளது.