கண்ணா! இசைக்கே இப்டியா? இன்னும் எவ்வளவோ இருக்கு...

ரஜினி திரைப்படம் வெளியாகிறது என்றால் அந்த தினத்தில் மற்றத் திரைப்படங்களை வெளியிடத்தான் பயப்படுவார்கள். 

ஆனால், ரஜினி திரைப்பட இசை வெளியீட்டுக்கே பயந்து, 'ரெமோ' திரைப்படத்தின் முதல் பார்வையை அன்றைய தினத்தில் வெளியிடுவதிலிருந்து பின் வாங்கியுள்ளார்கள். 

'கபாலி' படத்தின் இசை வெளியிடு வரும் ஜூன் 9ம் திகதி நடைபெற உள்ளதாகத் தகவல் வெளியாகியுள்ளது. 

அதனால் அன்று 'கபாலி' பற்றிய பேச்சுக்கள்தான் அதிகமாக இருக்கும், அதை மீறி வேறு எதைப் பற்றியும் பேச்சுகள் வராது என்பதால் அன்று வெளியிடுவதாக சொல்லப்பட்டிருந்த 'ரெமோ' திரைப்படத்தின் முதல் பார்வையை சில நாட்கள் கழித்து வெளியிட முடிவு செய்துள்ளார்களாம்.

'கபாலி'இசை வெளியீட்டுக்கே இப்படி என்றால் இன்னும் 'கபாலி' திரைப்படம் வெளிவரும் போது எத்தனை பேர் எவற்றில் இருந்து எல்லாம் பின்வாங்கப் போகிறார்களோ தெரியவில்லை.