கதாநாயகியாக அறிமுகமாகும் அனிகா

கௌதம் மேனனின்  இயக்கத்தில் அஜித் நடித்த ‘என்னை அறிந்தால்’ திரைப் படத்தில் குழந்தை நட்சத்திரமாக அறிமுகமானவர்  அனிகா. இவர் அப்படத்தில் அஜித்துக்கு மகளாக நடித்திருந்தார்.

இதையடுத்து அனிகா மீண்டும் விஸ்வாசம் படத்தில் அஜித் மற்றும் நயன்தாரா ஜோடிக்கு மகளாக நடித்திருந்தார். இதுதவிர நானும் ரௌடிதான், மிருதன் போன்ற தமிழ் படங்களிலும் நடித்துள்ளார் அனிகா.   

16 வயதான  அனிகா, அண்மைக்காலமாக கதாநாயகிகளுக்கு இணையாக விதவிதமாக போட்டோஷூட் நடத்தி ரசிகர்களை கவர்ந்து வந்தார்.  இந்நிலையில் மலையாளத்தில் வெளியாகி வெற்றி பெற்ற ‘கப்பேலா’ படத்தின் தெலுங்கு ரீமேக்கான ‘புட்ட பொம்மா’ என்ற திரைப்படத்தில் அவர்  கதாநாயகியாக நடிக்க ஒப்பந்தமாகி இருப்பதாக கூறப்படுகிறது.

விரைவில் இதுகுறித்த அதிகாரப்பூர்வ அறிவிப்பு வெளியாகக்கூடும் என எதிர்பார்க்கப்படுகிறது