Freelancer / 2022 ஜூன் 12 , பி.ப. 08:38 - 0 - {{hitsCtrl.values.hits}}
ரஜினிகாந்த் தமிழ் சினிமாவில் கடந்த ஐம்பது ஆண்டுகளாக சூப்பர்ஸ்டாராக திகழ்ந்து வருகின்றார். இவர் கொடுத்த தோல்வி படங்களை நாம் விரல் விட்டு எண்ணி விடலாம். அந்த அளவிற்கு வெற்றிக்கு மேல் வெற்றி படங்களை கொடுத்துள்ளார் ரஜினி.
இருப்பினும் இவரது சமீபத்திய சில படங்கள் சொல்லிக்கொள்ளும் அளவிற்கு வெற்றி பெறவில்லை. இதனால் ரஜினி ரசிகர்கள் உட்பட சினிமா வட்டாரங்களை சார்ந்தவர்கள் வரை சற்று வருத்தத்தில் இருக்கின்றனர்.
குறிப்பாக சிறுத்தை சிவா இயக்கத்தில் ரஜனி நடிப்பில் கடைசியாக வெளியான அண்ணாத்த திரைப்படம் கடுமையான விமர்சனங்களை சந்தித்தது.
மேலும் இப்படத்தினால் ரஜினியும் சற்று விமர்சிக்கப்பட்டார். "ரஜினிக்கு வயதாகிவிட்டது, இனி அவர் படங்களில் நடிக்காமல் இருந்தாலே நல்லது" என்றெல்லாம் சிலர் கடுமையாக விமர்சித்தனர்.
ஆனால் இதற்கெல்லாம் பதிலடி கொடுக்கும் வகையில், ரஜினி தன் அடுத்த பட அறிவிப்பை வெளியிட்டார். இளம் இயக்குனரான நெல்சனின் இயக்கத்தில், ரஜினி நடிப்பதாக சில மாதங்களுக்கு முன்பு அறிவிப்பு வெளியானது.
அனிருத் இசையமைக்க, இப்படத்தை சன் பிக்கர்ஸ் தயாரிக்கின்றது. இந்நிலையில் இப்படத்தில் முக்கிய கதாபாத்திரத்தில் நடிகை ரம்யா கிருஷ்ணன் நடிப்பதாகவும், இப்படத்தின் திரைக்கதையை கே.எஸ்.ரவிக்குமார் எழுதுவதாகவும் தகவல்கள் வந்தன.
இதைத்தொடர்ந்து மிக விரைவில் இப்படத்தின் படப்பிடிப்பு துவங்கவுள்ளது. இப்படத்தின் அறிவிப்பு வந்தவுடன் ரஜினியுடன் சிவகார்த்திகேயன் நடிப்பதாக பரவலாக பேசப்பட்டது.
அதற்கு காரணம் நெல்சன் சிவகார்த்திகேயனின் நெருங்கிய நண்பர் என்பதாலும், ரஜினியின் தீவிர ரசிகர் என்பதாலும் இப்படத்தில் சிவகார்த்திகேயன் கண்டிப்பாக நடிப்பார் என்று எதிர்பார்க்கப்படுகின்றது.
மேலும், தற்போது வந்த தகவல் என்னவென்றால், தலைவர் 169 படத்தில் சிவகார்த்திகேயன் இளம் ரஜினியாக நடிப்பதாக பேசப்பட்டு வருகின்றது. flashback காட்சிகளில் ரஜினியாக சிவகார்த்திகேயன் நடிப்பதாக தகவல்கள் வந்துள்ளமை குறிப்பிடத்தக்கது.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
