திருமணம் எப்போது?

"வாழ்க்கையில் செட்டிலான பிறகு தான் திருமணம்" என,  நடிகை ஐஸ்வர்யா தத்தா தெரிவித்துள்ளார்.

கொரோனா ஊரடங்கு காரணமாக வீட்டில் அடைபட்டிருக்கும் மக்களுடன், சமூகவலைதளங்களில் பல நடிகர், நடிகையர் அடிக்கடி நேரடியாக கலந்துரையாடி வருகின்றனர்.

அந்த வகையில் நடிகை ஐஸ்வர்யா தத்தா ரசிகர்களின் கேள்விகளுக்கு பதில் அளித்தார். அப்போது ரசிகர் ஒருவர், "எப்போது திருமணம் செய்ய போகிறீர்கள்" எனக் கேட்டார். அதற்கு "வாழ்க்கையில் செட்டிலான பிறகு தான்", என ஐஸ் பதிலளித்தார்.

"எல்லோரும் திருமணமான பின்னர்தான் செட்டிலாவார்கள். நீங்க என்ன வித்தியாசமாக செட்டிலாகிட்டு திருமணம் செய்வேன்னு சொல்லுறீங்க", என ஐஸ்வர்யாவை நெட்டிசன்கள் கலாய்த்து வருகின்றனர்.

மேலும் ரசிகர் ஒருவர், " நீங்க ஏற்கெனவே திருமணம் ஆனவரா", எனக் கேட்டுள்ளார். அதற்கு, "என்ன பார்த்தா அப்டி தெரியுது?", என அதிர்ச்சியாகியுள்ளார் ஐஸ்வர்யா.