பொன்மகள் வந்தாள்

சூர்யா தயாரிப்பில் ஜோதிகா நடித்துள்ள பொன்மகள் வந்தாள் திரைப்படம் இணைய தளத்தில் நேற்று (29) வெளியாகியுள்ளது. இதன்மூலம் ஒரு பெரிய மாற்றத்துக்குத்  தமிழ்த் திரையுலகம் தயாராகியுள்ளது

கொரோனா அச்சுறுத்தல் காரணமாக பொது முடக்கம் அமலில் உள்ளதால் திரையரங்குகள் அனைத்தும் கடந்த 60 நாள்களுக்கும் மேலாக இயங்காமல் உள்ளன.

இந்த நிலையில் பொன்மகள் வந்தாள் திரைப்படம் நேரடியாக இணையதளத்தில் வெளியாகியுள்ளது. இதற்குத் திரையரங்கு உரிமையாளர்கள் எதிர்ப்பு தெரிவித்தாலும் சூர்யா துணிச்சலுடன் இந்த முயற்சியில் இறங்கியுள்ளார்.

இந்த விடயம் தொடர்பாகக் கடந்த சில வாரங்களாகப் பரபரப்பான செய்தி வெளியானதால் நள்ளிரவு 12 மணிக்கு அமேசான் பிரைம் தளத்தில் வெளியான இத்திரைப்படத்தைப் பலரும் பார்த்து சமூகவலைத்தளங்களில் விமர்சனங்கள் எழுதியுள்ளார்கள்.

இதனால் முதல் நாளன்று சமூகவலைத்தளங்களில் பலரும் பேசும் திரைப்படமாக மாறியுள்ளது.