மீண்டும் இணையவுள்ள மெர்சல் கூட்டணி

இயக்குநர் அட்லி இயக்கத்தில் விஜய் நடித்த மெர்சல் திரைப்பட்த்தை தேனாண்டாள் ஃபிலிம்ஸ் நிறுவனம் தயாரித்தது.

இந்த நிலையில், விஜய் - தேனாண்டாள் ஃபிலிம்ஸ் கூட்டணி மீண்டும் இணையவுள்ளதாக தேனாண்டாள் ஃபிலிம்ஸைச் சேர்ந்த முரளி ராமசாமி தகவல் வெளியிட்டுள்ளார்.

“மெர்சல் படம் எங்களுக்கு இலாபத்தை அளித்தது. அது தோல்விப் படமல்ல. படம் வெளியாகும் போது சூழல் சரியாக இல்லை. விஜய்யுடன் எனக்கு நல்ல புரிதல் உண்டு. அண்மையில் விஜய்யுடன் பேசினேன். சன் பிக்சர்ஸ் தயாரிக்கும் படத்துக்கு அடுத்ததாக இருவரும் இணையும் படம் பற்றி பேசலாம் எனக் கூறினார்” என்றார்.

இதேவேளை, மாஸ்டர் படத்துக்கு அடுத்ததாக சன் பிக்சர்ஸ் தயாரிப்பில் ஏ.ஆர். முருகதாஸ் இயக்கத்தில் விஜய் நடிக்கவுள்ளதாகத் தகவல்கள் வெளியாகியுள்ளது.