லண்டனில் துப்பறிவாளன் 2 படப்பிடிப்பு

விஷால் நடித்து மிஷ்கின் இயக்கத்தில் ஆக்ஷன் திரில்லராக 2017ம் ஆண்டு வெளியான படம் ‛துப்பறிவாளன்'. இப்படத்தில் விஷாலுடன் பிரசன்னா, வினய், அனு இம்மானுவேல், ஆண்ட்ரியா ஆகியோர் நடித்திருந்தார்கள். 

விஷால் பிலிம் பாக்டரி நிறுவனம் தயாரித்திருந்த இப்படத்திற்கு அரோல் கரோலி இசையமைத்திருந்தார். தற்போது, துப்பறிவாளன் படத்தின் இரண்டாம் பாகம் தயாராகிறது. இப்படத்தையும் மிஷ்கினே இயக்குகிறார். விஷாலே தயாரிக்கிறார். இளையராஜா இசையமைக்கிறார்.

விஷாலுடன், ஆஷ்யா, நாசர், ரஹ்மான், பிரசன்னா, கௌதமி, சுரேஷ் சக்ரவர்த்தி ஆகியோர் நடிக்கிறார்கள். இதன் படப்பிடிப்புகள் இன்று (04) லண்டனில் ஆரம்பமாகின்றது. முதல் கட்ட படப்பிடிப்பு 40 நாட்கள் நடைபெறுகிறது. இதனை விஷால் பிலிம் பேக்டரி அதிகாரபூர்வமாக அறிவித்துள்ளது.