வசூல் மழையில் “அவதார் 2”

ஜேம்ஸ் கேமரூன் இயக்கிய பிரம்மாண்ட ஹொலிவுட் திரைப்படமான 'அவதார் - த வே ஆப் வோட்டர்' படம் டிசெம்பர் 16ம் திகதி வெளியானது. தொடர்ந்து வசூலைக் குவித்து வந்த படம் தற்போது 2 பில்லியன் டொலர் வசூலைக் கடந்துள்ளது. 

இதன் மூலம் அதிக வசூலைக் குவித்த ஹொலிவுட் படங்களில் 6வது இடத்திற்கு முன்னேறியுள்ளது. முதல் 5 இடங்களில், “அவதார் 1, அவஞ்சர்ஸ் என்ட்கேம், டைட்டானிக், ஸ்டார் வார்ஸ் - த போர்ஸ் அவேக்கன்ஸ், அவஞ்சர்ஸ் இன்பினிட்டி வார்” ஆகிய படங்கள் உள்ளன.

‛அவதார் 2' இதுவரையில், மொத்தமாக 2.04 பில்லியன் யுஎஸ் டொலர் வசூலித்துள்ளது. அமெரிக்கா மற்றும் கனடாவில் 598 மில்லியனும், உலக அளவில் 1.43 பில்லியனும் இப்படம் இதுவரை வசூலித்துள்ளது. குறைவான நாட்களில் 2 பில்லியன் டொலர் வசூலித்த இரண்டாவது படம் என்ற பெருமையையும் இப்படம் பிடித்துள்ளது.