யுடியூப் நிறுவனத்தின் அதிரடி அறிவிப்பு

கடந்த ஆண்டு பெப்ரவரி மாதம்  முதல் இது வரை, கொரோனாத் தொற்றுக் குறித்த தவறான  தகவல்களை வெளியிட்ட 10 லட்சம் வீடியோக்களை நீக்கி உள்ளதாக யுடியூப்(வலையொளி) நிறுவனம் தெரிவித்துள்ளது.

யூடியூபில் உள்ள லட்சக்கணக்கான வீடியோக்களில் ஒரு சிறிய சதவிகிதம் மட்டுமே இது போன்ற தவறான தகவல்களுடன் பதிவிடப்படுவதாகத் தெரிவிக்கப்பட்டுள்ளது.

தடுப்பூசி கொள்கைக்கு எதிரானவை என்பதுடன் கொரோனா குறித்த தவறான தகவல்களை பரப்பும் வீடியோக்களின் ஆதிக்கம் அதிகரிக்க ஆரம்பித்துள்ளதால்  அவை நீக்கப்பட்டதாகவும் யுடியூப் தலைமை தயாரிப்பு அதிகாரி நீல் மோகன் (Neal Mahon) கூறினார்.

இவை தவிர ஒவ்வொரு காலாண்டிலும், 10 பேர் கூட பார்க்காத சுமார் ஒரு கோடி வீடியோக்கள் அகற்றப்பட்டு வருவதாகவும் அவர் தெரிவித்துள்ளமை குறிப்பிடத்தக்கது.