ஒரே பயணத்தில் உலக சாதனை படைத்த `Mirai`

சர்வதேச அளவில் புகழ்பெற்ற ஜப்பானிய வாகனத் தயாரிப்பு நிறுவனமான டொயோட்டாவின் மிராய் (Mirai) காரானது அண்மையில் புதிய உலக சாதனையொன்றைப் படைத்துள்ளது.

இக்காரானது ஹைட்ரஜன் எரிபொருளைப் பயன்படுத்தி, மிக நீண்ட தூரம் பயணித்த வாகனம் என்ற பிரிவில் கின்னஸ் உலக சாதனை படைத்துள்ளது.

ஹைட்ரஜனால் இயங்கும் இக் காரானது  பயணத்தின் போது ஒரே ஒரு முறை, ஐந்து நிமிடம் மட்டுமே எரிபொருள் நிரப்பப்பட்டு, மொத்தம் 1360 கிலோமீற்றர்களைக் கடந்து அனைவரையும் வியப்பில் ஆழ்த்தியுள்ளது.

மேலும்  இத் தூரத்தைக் கடக்க இரண்டு முழு நாட்கள் ஆனது என்ற தகவலையும்  டொயோட்டா நிறுவனம், சமூக ஊடகங்களில் பகிர்ந்துள்ளது.