வரலாற்றில் இன்று: ஜூலை 14

1223: பிரான்ஸில் 8ஆம் லூயி மன்னரானார்.

1789: பிரெஞ்சு புரட்சியின்போது பாரிஸ் மக்கள், பாஸ்டைல் கோட்டையை தாக்கினர்.

1958: ஈராக்கிய மன்னர் இரண்டாம் பைஸால், இராணுவத் தளபதி அப்துல் கரீம் காஸிம் தலைமையிலான படையினரால் ஆட்சியிலிருந்து நீக்கப்பட்டார். ஈராக் குடியரசாக பிரகடனப்படுத்தப்பட்டது.

1969: அமெரிக்கா அரசு  500 1000, 5000,  மற்றும் 10,000   டொலர்  நாணயத்தாள்களை வாபஸ் பெற்றது.

1976: கனடாவில் மரணதண்டனை முறை ஒழிக்கப்பட்டது.

1989: பிரெஞ்சுப் புரட்சியின் 200 ஆவது ஆண்டு நிறைவை பிரான்ஸ் கொண்டாடியது.

1995:  MP3 பெயரிடப்பட்டது.

1995: இலங்கை இராணுவத்தினரின் முன்னேறிப்பாய்தல் நடவடிக்கைக்கு எதிராக விடுதலைப் புலிகள் நடத்திய தாக்குதலில் புக்காரா ரக விமானம் ஒன்று சுட்டு வீழ்த்தப்பட்டது.

1997: சே குவேராவினதும் தோழர்களதும் உடல் எச்சங்கள் கியூபா சென்றடைந்தன.

2002: பாஸ்டில் நாள் நிகழ்வுகளில் கலந்துகொண்ட பிரெஞ்சு அதிபர் ஜாக் சிராக் கொலை முயற்சி ஒன்றில் இருந்து உயிர் தப்பினார்.

2007: ஐரோப்பாவில் மரபுவழி இராணுவப் படைகள் குறித்த உடன்பாட்டில் இருந்து ரஷ்யா விலகியது.