மு. கா ஸ்டாலினை சந்தித்தார் முதல்வர் விஜய்

தமிழக முதலமைச்சராகப் பதவியேற்றுள்ள விஜய், இன்று தி.மு.க தலைவர் மற்றும் முன்னாள் முதலமைச்சர் மு.க.ஸ்டாலின் அவர்களைச் சந்தித்து நலம் விசாரித்ததுடன் வாழ்த்துகளையும் பெற்றுக்கொண்டார்.

சென்னையிலுள்ள மு.க.ஸ்டாலின் அவர்களின் இல்லத்தில் நடைபெற்ற இந்தச் சந்திப்பு, மரியாதை நிமித்தமான ஒன்றாக அமைந்தது. இதன்போது, புதிய முதலமைச்சராகப் பொறுப்பேற்றுள்ள விஜய்க்கு, மு.க.ஸ்டாலின் அவர்கள் பொன்னாடை போர்த்தித் தனது மனமார்ந்த வாழ்த்துகளைத் தெரிவித்தார்.

இந்தச் சந்திப்பின் போது, தமிழக சட்டசபையின் புதிய எதிர்கட்சித் தலைவராகத் தேர்ந்தெடுக்கப்பட்டுள்ள உதயநிதி ஸ்டாலின் அவர்களும் உடனிருந்தார். முதலமைச்சர் விஜய் மற்றும் எதிர்கட்சித் தலைவர் உதயநிதி ஸ்டாலின் ஆகிய இருவரும் பரஸ்பரம் வாழ்த்துகளைப் பரிமாறிக்கொண்டனர்.

தமிழக அரசியலில் நிலவும் ஆரோக்கியமான அரசியல் நாகரிகத்திற்குச் சான்றாக இந்தச் சந்திப்பு பார்க்கப்படுகிறது. ஆளுங்கட்சி மற்றும் எதிர்கட்சித் தலைவர்கள் முரண்பாடுகளைக் கடந்து, மாநிலத்தின் நலனுக்காக இணக்கமாகச் செயல்படுவதன் தொடக்கமாக இது அமையுமென அரசியல் விமர்சகர்கள் கருத்துத் தெரிவித்துள்ளனர்.

புதிய அரசுக்கும், எதிர்கட்சித் தலைவருக்கும் இடையிலான இந்தச் சந்திப்பு தொடர்பான புகைப்படங்கள் தற்போது சமூக வலைதளங்களில் வைரலாகி வருவதுடன், மக்கள் மத்தியில் நேர்மறையான விமர்சனங்களைப் பெற்று வருகின்றன.