சிசுவின் தந்தைக்கு கொரோனா தொற்று

கொழும்பு-ரிட்ஜ்வே ஹார்யா சிறுவர் வைத்தியசாலையில் அனுமதிக்கப்பட்டிருந்த சிசுவின் தந்தைக்கு கொரோனா வைரஸ் தொற்றியிருப்பது உறுதிப்படுத்தப்பட்டுள்ளது.

சிசுவின் பெற்றோருக்கு பிசீஆர் பரிசோதனை முன்னெடுக்கப்பட்ட நிலையில், அவரது தந்தைக்கு கொரோனா தொற்றியிருப்பது உறுதியானது.

கண்டி பிரதேசத்தை சேர்ந்த குறித்த குழந்தை கடந்த ஓகஸ்ட் மாதம் முதல் வைத்தியசாலையில் சிகிச்சைப்பெற்று வருவதாகவும் அவர்களுடைய பெற்றோர் கொட்டிகாவத்தை பகுதியில் தற்காலிகமாக தங்கியிருப்பதாகவும் தகவல் வெளியாகியுள்ளது. 

எனினும், குழந்தை மற்றும் தாய்க்கு கொரோனா தொற்று ஏற்படவில்லை என தெரிவிக்கப்படுகின்றது.

முன்னதாக குறித்த வைத்தியசாலையில் அனுமதிக்கப்பட்டிருந்த 10 மாத சிசுவுக்கு கொரோனா தொற்று உறுதியாகியிருந்தமை குறிப்பிடத்தக்கது.