பாடசாலை வேன் மீது மோதிய அரச பேருந்து! (வீடியோ)

தலவாக்கலை - டயகம பிரதான வீதியில், ஹோல்புறூக் நகருக்கு அருகில் இன்று (12) காலை பாடசாலை வேன் ஒன்றும் இலங்கை போக்குவரத்து சபைக்கு சொந்தமான பேருந்தும் மோதி விபத்துக்குள்ளாகியுள்ளன.

இன்று காலை சுமார் 7.45 மணியளவில், தலவாக்கலையிலிருந்து டயகம நோக்கிப் பயணித்த அரச பேருந்து, அதே திசையில் பயணித்த பாடசாலை வேனுடன் மோதியுள்ளது.

இந்த விபத்தின் காரணமாக பாடசாலை வேனுக்கு சிறிய அளவிலான சேதங்கள் ஏற்பட்டுள்ளன. எனினும், அதிர்ஷ்டவசமாக மாணவர்கள் எவருக்கும் காயங்கள் ஏற்படவில்லை என முதற்கட்ட தகவல்கள் தெரிவிக்கின்றன.

சம்பவம் தொடர்பில் அக்கரப்பத்தனை பொலிஸார் மேலதிக விசாரணைகளை முன்னெடுத்து வருகின்றனர்.