அக்கரைப்பற்றில் இளைஞர் மாநாடு

-எம்.எஸ்.எம்.ஹனீபா

ஸ்ரீ லங்கா சுதந்திரக் கட்சியின் பொத்துவில் தேர்தல் தொகுதிக்கான இளைஞர் மாநாடு எதிர்வரும் சனிக்கிழமை மாலை 4 மணிக்கு அக்கரைப்பற்று பொதுப்பூங்கா வளாகத்தில் நடைபெறவுள்ளதாக அக்கட்சியின் அக்கரைப்பற்றுப் பிரதேச இளைஞர் அமைப்பாளர் ஐ.எச்.ஏ.வஹாப் தெரிவித்தார்.

மேற்படி கட்சியின் பொத்துவில் தொகுதி அமைப்பாளர் ஏ.எம்.அப்துல் மஜீட் தலைமையில் நடைபெறவுள்ள இம்மாநாட்டில் அமைச்சரும் ஸ்ரீ லங்கா சுதந்திரக் கட்சியின் பொதுச் செயலாளருமான துமிந்த திஸாநாயக்கா உட்பட  கட்சியின் உயர்பீட உறுப்பினர்கள் கலந்துகொள்ளவுள்ளனர்.  

மேலும் 500 க்கும் மேற்பட்ட இளைஞர், யுவதிகள் கலந்துகொள்ளவுள்ளதாகவும் அவர் கூறினார்.

பொத்துவில் தொகுதியில் ஸ்ரீ லங்கா சுதந்திரக் கட்சியை மேம்படுத்துவது மற்றும்;; எதிர்கால அபிவிருத்தித் திட்டங்கள் தொடர்பில் இம்மாநாட்டில் தீர்மானம் எடுக்கப்படவுள்ளதாகவும் அவர் கூறினார்.