குளிரால் நோய்த் தாக்கம்; வைத்தியசாலைகளை நாடுமாறு வேண்டுகோள்

எம்.எஸ்.எம்.ஹனீபா

தற்போது நிலவும் கடும் குளிரான காலநிலை  காரணமாக அம்பாறையில் நோய்கள்; பரவி வருவதாக அட்டாளைச்சேனை சுகாதார வைத்திய அதிகாரி ஏ.எல்.அலாவுதீன், இன்று (12) தெரிவித்தார்.

காலை முதல் மாலைவரை கடும் குளிருடன் இணைந்து வெப்பமும் நிலவி வருவதால் பல்வேறு நோய்த் தாக்கங்கள் ஏற்பட்டுள்ளன.  

மூட்டுவலி, காய்ச்சல், தடிமன் போன்றவை பரவி வருவதாகவும் இவற்றுக்கான அறிகுறி தென்பட்டால், உடனடியாக வைத்தியசாலையை நாடி சிகிச்சை பெற்றுக்கொள்ளுமாறும் பொதுமக்களிடம் அவர் கேட்டுக்கொண்டுள்ளார்.

கடும் குளிர் காரணமாக வயோதிபர்களும் சிறுவர்களுமே மிகவும் பாதிக்கப்பட்டுள்ளனர் எனவும் அவர் கூறினார்.