கல்முனையில் கடல் நீர் உட்புகுந்ததால் மக்கள் வீடுகளிலிருந்து வெளியேற்றம்

-வா.கிருஸ்ணா

அம்பாறை, கல்முனைக் கரையோரப் பகுதியை அண்டி அமைந்துள்ள வீடுகளுக்குள்; கடல் நீர் உட்புகுந்ததால், அங்குள்ள மக்கள் தங்களின் வீடுகளிலிருந்து வெளியேறி உறவினர்களின் வீடுகளில் தஞ்சம் புகுந்த சம்பவம் இடம்பெற்றது.

வழமைபோன்று சனிக்கிழமை (10) நள்ளிரவு  கடலிலிருந்து பாரிய இரைச்சல் சத்தம் கேட்டது. இதனை அடுத்து, கடல் நீர் தங்களின் வீடுகள் இருக்கும் இடத்தை நோக்கி வருவதைக் கண்ட தாம்,  தங்களின் வீடுகளிலிருந்து வெளியேறியதாகப் பாதிக்கப்பட்ட மக்கள் தெரிவித்தனர்.

கல்முனை மாமாங்கப்பிள்ளையார் கோவில், விஷ்ணு கோவிலுள்ள பகுதிகளைச் சேர்ந்த மக்களே இவ்வாறு வெளியேறினர்.