சமுர்த்தி உதவிபெறும் குடும்பத்துக்கு வீடு கையளிப்பு

(ஹனீக் அஹமட்)

ஜனாதிபதியின் இரண்டாவது பதவியேற்பை சிறப்பிக்கும் வகையில், கல்முனை பிரதேச செயலக சமுர்த்திப் பிரிவின் ஏற்பாட்டில் பெரிய நீலாவணை தமிழ் - முஸ்லிம் பிரிவுக்குட்பட்ட சமுர்த்தி உதவிபெறும் குடும்பமொன்றுக்காக நிர்மாணிக்கப்பட்ட வீடொன்றைக் கையளிக்கும் நிகழ்வு இன்று வியாழக்கிழமை இடம்பெற்றது.

இதன் போது, கல்முனை பிரதேச செயலாளர் எம்.எம்.நௌபல் வீட்டைத் திறந்து வைக்க, கல்முனை பிரதேச சமுர்த்தி முகாமைத்துவப் பணிப்பாளர் ஏ.ஆர்.எம். சாலிஹ் வீட்டுக்கான சாவியினை வீட்டு உரிமையாளரிடம் கையளித்தார். கல்முனை பிரதேச செயலக சமுர்தி கருத்திட்ட முகாமையாளர் ஏ.சி.அன்வர் உள்ளிட்ட பலர் இந்நிகழ்வில் கலந்து கொண்டனர்.