அம்பாறையில் உள்ளூர் சமூக அமைப்புகளால் சமைத்த உணவு விநியோகம்

(அப்துல் அஸீஸ்)

அம்பாறை மாவட்டத்தின் பல பிரதேசங்களில் வெள்ள அனர்த்தத்தினால் பாதிக்கப்பட்டுள்ள மக்களுக்கு உள்ளூர் சமூக அமைப்புக்கள் சமைத்த உணவை விநியோகம் செய்து வருகின்றன.

அம்பாறை மாவட்டத்தின் கரையோரப் பிரதேசங்களில் இம்முறை வெள்ளத்தினால் பாதிக்கப்பட்டவர்களுக்;கு சில பிரதேசங்களின் அரசாங்கத்தினால் சமைத்த உணவுகள் வழங்கப்பட்டுவருகின்றபோதிலும், அது போதுமானளவில் இல்லை. இன்னும் சில பகுதிகளில் வெள்ளத்தால் பாதிக்கப்பட்ட மக்களுக்கு  எந்தவிதமான உணவுப் பொருட்களும் இதுவரை வழங்கப்படவில்லை.

எனினும், உள்ளூர் சமூக அமைப்புக்கள் சில முன்வந்து சமைத்த உணவை வழங்கிவருகின்றபோதிலும்,  அதுவும் அந்த மக்களின் உணவுத் தேவைகளை ஓரளவே நிறைவு செய்கிறது.