யானை தாக்கி விவசாயி பலி

(எஸ். மாறன்)

அம்பாறை திருக்கோவில் வயல் பிரதேசத்தில் இன்று ஞாயிற்றுக்கிழமை காலை யானை தாக்கியதில் விவசாயி ஒருவர் உயிரிழந்துள்ளார்.

திருக்கோவில் பாவட்டா  வயல் பிரதேசத்தில் அதிகாலை 5 மணியளவில் வேளாண்மை  காவலில்   ஈடுபட்டு கொண்டிருந்த போதே யானை தாக்கி உயிரிழந்துள்ளார்.

திருக்கோவில், விநாயகபரம் 4ஆம் பிரிவு பாடசாலை வீதியை சேர்ந்த 5 பிள்ளைகளின் தந்தையான கந்தையா நாகராஜா (வயது-60) என்பவரே உயிரிழந்தவராவார்.

இது தொடர்பான மேலதிக விசாரணைகளை திருக்கோவில் பொலிஸார் மேற்கொண்டு வருகின்றனர்.