அட்டாளைச்சேனை பாடசாலைகளுக்கிடையேயான தமிழ்மொழிதினப் போட்டி

(ஹனீக் அஹமட்)

அட்டாளைச்சேனை கோட்டப் பாடசாலைகளுக்கிடையிலான தமிழ்மொழிதினப் போட்டி நிகழ்ச்சிகள் நாளை புதன்கிழமை அட்டாளைச்சேனை அந்நூர் வித்தியாலயத்தில் காலை 8.30 மணி முதல் நடைபெறவுள்ளதாக அட்டாளைச்சேனைக் கோட்டக் கல்விப் பணிப்பாளர் என்.கே.எம்.இப்றாகிம் தெரிவித்தார்.

எழுத்தாக்கப்போட்டி, அரங்கப்போட்டி என இரண்டு பிரிவுகளில் மேற்படி தமிழ்மொழிதினப் போட்டிகள் நடைபெறவுள்ளன. எழுத்தாக்கத்தில் 14 வகையான போட்டிகளும் அரங்கப் போட்டிகளில் 24 வகையான போட்டி நிகழ்வுகளும் உள்ளடக்கப்பட்டுள்ளதாக அவர் கூறினார்.

எழுத்தாக்கப் போட்டிகள் கடந்த வியாழக்கிழமை பாலமுனை மின்ஹாஜ் மகாவித்தியாலயத்தில் நடைபெற்றன.
இதனையடுத்து, மாணவர்களின் அரங்கப்போட்டி நிகழ்வுகள் நாளையதினம் அட்டாளைச்சேனை அந்நூர் வித்தியாலயத்தில் நடைபெறவுள்ளன.

தமிழ்மொழிதினப் போட்டிகளில் அட்டாளைச்சேனை கோட்டத்திலுள்ள 22 பாடசாலைகள் பங்குகொள்கின்றன.