வாக்குறுதி தவறாத அட்டாளைச்சேனை பிரதேச சபையின் தவிசாளர்

(ஹனீக் அஹமட்)

அட்டாளைச்சேனை பிரதேச சபையின் தவிசாளர் ஏ.எல்.எம்.நசீர் தனது சம்பளத்தினை அட்டாளைச்சேனை பெரிய பள்ளிவாசலுக்கு அன்பளிப்பாக வழங்கினார்.

அட்டாளைச்சேனைப் பிரதேச சபையின் தவிசாளராக - தான்  தெரிவு செய்யப்பட்டால், தன்னுடைய பதவிக்காலத்தில் பெறுகின்ற சம்பளம் முழுவதையும் அட்டாளைச்சேனைப் பெரிய பள்ளிவாசலுக்கு அன்பளிப்பாக வழங்குவதாக தேர்தல் காலத்தின் போது நசீர் வாக்குறுதியொன்றினை வழங்கியிருந்தார்.

இதற்கிணங்கவே, தனது முதலாவது சம்பளப் பணத்தினை அட்டாளைச்சேனை பெரிய பள்ளிவாசலுக்கு நேற்று புதன்கிழமை தவிசாளர் நசீர் வழங்கினார்.

அட்டாளைச்சேனை கூட்டுறவுசங்க மண்டபத்தில் நேற்று இடம்பெற்ற நிகழ்வொன்றில் தவிசாளரிடமிருந்து மேற்படி சம்பளப் பணத்தினை அட்டாளைச்சேனை பெரிய பள்ளிவாசல் சார்பாக அதன் தலைவர் சட்டத்தரணி ஏ.எல்.ரஷீத் பெற்றுக்கொண்டார்.

இதன்படி, தளவிசாளர் நசீர் தனது பதவிக் காலம் முழுவதும் 4 இலட்சத்து 80 ஆயிரம் ரூபாவினை அட்டாளைச்சேனைப் பெரிய பள்ளிவாசலுக்கு வழங்கவுள்ளமை குறிப்பிடத்தக்கது.