கடும் காற்றினால் நங்கூரமிடப்பட்டிருந்த படகுகள் நீரில் மூழ்கின

(எஸ்.எம்.எம்.றம்ஸான்)

கல்முனை, மாளிகைக்காடு பிரதேசத்தில் இன்று அதிகாலை வீசிய பலத்த காற்றினால் கடலில் நங்கூரமிடப்பட்டிருந்த படகுகள்  நீரில் மூழ்கியுள்ளன.

இதனால், மீனவர்களுக்கு பல இலட்சம் ரூபா நஷ்டம் ஏற்பட்டுள்ளது. பிரதேச மீனவர்களின் உதவியுடன் கடலில் தாண்ட படகுகள் கரைக்கு கொண்டுவரப்பட்டன.

கல்முனை பிரதேசத்தில் படகு இறங்கு துறையொன்று இல்லாமையினால் பெறுமதி வாய்ந்த படகுகளை கரைக்கு  கொண்டு வரமுடியாமல் கடலிலேயே நங்கூரமிடப்படுவது வழமையாகும்.

இதுபோன்று அடிக்கடி ஏற்படும் கடல் கொந்தளிப்பாலும் பலத்த காற்றினாலும்  ஆழ்கடல் மீனவர்களின் படகுகள் கடலில் மூழ்கி சேதமடைகின்றமை குறிப்பிடத்தக்கது.