பல மாதங்களின் பின் அம்பாறையில் அதிகளவான மீன்கள்

(ஹனீக் அஹமட்)

அம்பாறை மாவட்ட கரையோரப் பிரதேசங்களில் பல மாதங்களுக்குப் பின்னர் இன்று வியாழக்கிழமை அதிகளவான மீன்கள் பிடிபட்டதாக கடற்றொழிலாளர்கள் தெரிவித்தனர்.

சுமார் 04, 05 மாதங்களுக்குப் பின்னர் கரைவலை மீனவர்களுக்கு இவ்வாறு அதிகளவான மீன்கள் பிடிபட்டதாக அவர்கள் கூறினர்.

நெத்தலி, முரல், பாரைக்குட்டி போன்ற மீன்கள் இன்று அதிகளவில் கிடைத்தன.

கடந்த சில மாதங்களாக அம்பாறை மாவட்டத்தின் கரையோரப் பிரதேங்களில் மீன்களின் விலை மிகவும் அதிகரித்துக் காணப்பட்டமை இங்கு குறிப்பிடத்தக்கது.