அகில இலங்கை முஸ்லிம் காங்கிரசின் கல்முனை செயற்குழு நிர்வாகிகளுக்கான கூட்டம்

(அப்துல் அஸீஸ்)
அகில இலங்கை முஸ்லிம் காங்கிரசின் கல்முனை செயற்குழு நிர்வாகிகளுக்கான கூட்டம் நேற்று திங்கட்கிழமை இரவு கல்முனைக்குடி பிரதேசத்தில் இடம்பெற்றது.

இக்கூட்டத்தில் கல்முனைப் பிரதேசத்தில் கட்சியின் செயற்பாடுகளை விஸ்தரிப்பது தொடர்பாகவும், எதிர்காலத்தில் இடம்பெறவிருக்கும் கல்முனை மாநகர சபைக்கான உள்ளுராட்சித் தேர்தலில் அகில இலங்கை முஸ்லிம் காங்கிரஸ் கட்சியின் சார்பாக வேட்பாளர்களை நிறுத்துவது தொடர்பாகவும் கலந்தாலோசிக்கப்பட்டது.

இந்நிகழ்வில் அமைச்சரும் அகில இலங்கை முஸ்லிம் காங்கிரஸ் கட்சியின் தலைவருமான ரிஷாட் பதியுதீன், அகில இலங்கை முஸ்லிம் காங்கிரஸின் செயலாளர் நாயகம் வை.எல்.எஸ். ஹமீட்,  வன்னி  நாடாளுமன்ற உறுப்பினர் சட்டத்தரணி ஹூனைஸ் பாறுக், கல்முனை மாநகர சபை உறுப்பினர் எம்.சி.முபீத்  உட்பட கட்சி பிரமுகர்கள் பலரும் கலந்து கொண்டனர்.