அலைபேசியை திருடியவர் விளக்கமறியலில்

 எஸ்.ஜமால்டீன்

அலைபேசியை திருடிய நபரொருவருக்கு அக்கரைப்பற்று மாவட்ட நீதிவான் நீதிமன்ற நீதிபதி எச்.எம்.முஹம்மட் பஸீல், வெள்ளிக்கிழமை(08) 5 வருடங்களுக்கு ஒத்திவைக்கப்பட்ட 2 வருட சிறைத்தண்டனை விதித்து தீர்ப்பளித்தார். 

அட்டாளைச்சேனை பாலமுனை பிரதான வீதியில் உள்ள அலைபேசி விற்பனை நிலையத்திற்கு சென்ற குறித்த நபர் அங்கு அலைபேசி வாங்குபவர் போல் பாசாங்கு செய்து 25 ஆயிரம் ரூபாய் பெறுமதியான அலைபேசியை திருடி சென்றுள்ளார்.

இச்சம்பவம் தொடர்பாக வர்த்தக நிலைய உரிமையாளர் அக்கரைப்பற்று பொலிஸ் நிலையத்தில் செய்த முறைப்பாட்டையடுத்து, விசாரணைகளை மேற்கொண்ட பொலிசார் குறித்த நபரை கைது செய்து  அக்கரைப்பற்று நீதவான் நீதிமன்றத்தில் ஆஜர்படுத்தியபோதே நீதிபதி மேற்படி உத்தரவை பிறப்பித்துள்ளார்.