கல்முனை ஐக்கிய சதுக்கம் பொதுமக்களின் பாவனைக்கு கையளிப்பு

-பைஷல் இஸ்மாயில்

கல்முனை மாநகர சபையினால் சுமார் இரண்டு கோடி ரூபாய் செலவில்; அமைக்கப்பட்டு வருகின்ற கல்முனை ஐக்கிய சதுக்கத்தின் முதற்கட்ட அபிவிருத்தித் திட்டம் ஞாயிற்றுக்கிழமை (09) மாலை பிரதமர் ரணில் விக்கிரமசிங்கவினால் மக்கள் பாவனைக்காக கையளிக்கப்பட்டது.

ஐக்கிய சதுக்க திட்டத்தின் கீழ் கல்முனை சந்தாங்கேணி மைதானத்துக்கான பார்வையாளர் அரங்கு அமைவதுடன் வர்த்தக கடைத்தொகுதி, உணவகம் மற்றும் பொழுதுபோக்கு அம்சங்கள் உள்ளடக்கப்பட்டுள்ளன.

இந்த நிகழ்வில் ஸ்ரீ லங்கா முஸ்லிம் காங்கிரஸ் தலைவரும் அமைச்சருமான ரவூப் ஹக்கீம், கிழக்கு மாகாண முதலமைச்சர் செய்னுலாப்தீன் நஸீர் அஹமட் மற்றும் பலர் கலந்து கொண்டனர்.