அட்டாளைச்சேனை பிரதேச சபையின் அமர்வு நாளை

அட்டாளைச்சேனை பிரதேச சபையின் மாதாந்த அமர்வு, பிரதேச சபைக் கூட்ட மண்டபத்தில், தவிசாளர் ஏ.எல்.அமானுல்லா தலைமையில், நாளை (14) காலை 9.30 மணி முதல் நடைபெறவுள்ளதாக, பிரதேச சபையின் செயலாளர் எம்.ஐ.முகம்மது பாயிஸ் தெரிவித்தார்.

இந்தச் சபை அமர்வில், சகல உறுப்பினர்களையும் கலந்துகொள்ளுமாறு அழைப்பு விடுக்கப்பட்டுள்ளதுடன், பிரதேச சபை உறுப்பினர்களால் சமர்ப்பிக்கப்பட்டுள்ள பிரேரணைகள் தொடர்பாக இதன்போது ஆராயப்படவுள்ளன.

அத்துடன், திண்மக்கழிவு முகாமைத்துவ நில நிரப்புகை நிலையத்துக்கு மின்சார இணைப்புப் பெறுவதற்காக சபையின் அனுமதி கோரல், வீதி அபிவிருத்தி வேலைத்திட்டங்களுக்கு அனுமதி கோரல், ஆலம் குளம் கிராமத்தில் தனியார் தொலைத்தொடர்புக் கோபுரம் அமைப்பதற்கான அனுமதி கோரல் உள்ளிட்ட விடயங்கள் தொடர்பிலும் தீர்மானங்கள் மேற்கொள்ளப்படவுள்ளன.