ஆதார வைத்தியசாலையில் கடமையாற்றிய வைத்தியருக்கு டெங்கு

அம்பாறை, திருக்கோவில் ஆதார வைத்தியசாலையில் பணிபுரிந்த 28 வயதான பெண் வைத்தியரொருவர் டெங்கு நோயால் பீடிக்கப்பட்டிருந்தார் என்றும், மேலதிக சிகிச்சைகளுக்காக, கொழும்பு தேசிய வைத்தியசாலையின் டெங்கு அவசரப் பிரிவுக்கு அவர் மாற்றப்பட்டுள்ளார் என்றும், திருக்கோவில் ஆதார வைத்தியசாலையின் வைத்தய அத்தியட்சகர் பி.மோகனகாந்தன், இன்று (17)தெரிவித்தார்.

மேற்குறிப்பிட்ட பெண் வைத்தியர், கடந்த ஒரு வாரமாக காய்ச்சலால் பீடிக்கப்பட்டிருந்தார் என்றும், நேற்று முன்தினம் (16) அக்கரைப்பற்று ஆதார வைத்தியசாலையில் அனுமதிக்கப்பட்டிருந்த நிலையிலேயே, கொழும்புக்கு, நேற்று (16) இரவு மாற்றப்பட்டுள்ளார் என்றும் அவர் குறிப்பிட்டார்.

திருக்கோவில் ஆதார வைத்தியசாலையின் வைத்தியர் விடுதியில் தங்கியிருக்கும் அந்த வைத்தியர், இரண்டு வாரங்களுக்கு முன்னர் கொழும்புக்குச் சென்று திரும்பினார் எனவும் வைத்திய அத்தியட்சகர் மேலும் தெரிவித்தார்.