ஆற்று மண் அகழ்வில் ஈடுபட்ட நால்வர் கைது

எம்.எஸ்.எம். ஹனீபா
 
அம்பாறை, சம்மாந்துறை நெய்னாகாடு ஆற்றில் சட்டவிரோதமாக ஆற்று மண் அகழ்வில் ஈடுபட்ட குற்றச்சாட்டில் நால்வர், இன்று (24) அதிகாலை கைதுசெய்யப்பட்டுள்ளதாக, சம்மாந்தறைப் பொலிஸார் தெரிவித்தனர்.

சம்மாந்துறை பொலிஸார் மேற்கொண்ட சுற்றிவளைப்பின் போதே, குறித்த நபர்கள்  கைதுசெய்யப்பட்டுள்ளதோடு, மண் அகழ்வுக்குப் பயன்படுத்திய  பெரிய ரக டிப்பர் வண்டிகள் 3 மற்றும் உழவு இயந்திரமொன்றையும்  கைப்பற்றியுள்ளதாகவும் பொலிஸார் தெரிவித்தனர்.

சந்தேகநபர்களை நீதிமன்றில் ஆஜர்படுத்துவதற்கான நடவடிக்கை எடுக்கப்பட்டுள்ளதாகவும் பொலிஸார் மேலும் தெரிவித்தனர்.