இலுக்குச்சேனையில் பாலம் நிர்மாணிப்பு

அம்பாறை, அக்கரைப்பற்று பிரதேச சபைக்குட்பட்ட இலுக்குச்சேனை பாலம் நிர்மாணிக்கப்படவுள்ளதாக, ஸ்ரீ லங்கா சுதந்திரக் கட்சியின் அம்பாறை மாவட்ட அமைப்பாளர் ஜ.எச் அப்துல் வஹாப் தெரிவித்தார்.

இலுக்குச்சேனை, களவெட்டியா, நீத்தை, வாங்காமம் ஆகிய பிரதேசங்களுக்குச் செல்லும் விவசாயிகள், இப்பாதையின் ஊடாக மழை காலங்களில் சிரமங்களுக்கு மத்தியில் போக்குவரத்து செய்து வருகின்றனர்.

விவசாயிகள் விடுத்த வேண்டுகோளுக்கமைய, மாகாண சபைகள் மற்றும் உள்ளூராட்சி அமைச்சர் பைஸர் முஸ்தபாவால் கிராமிய பாலம் நிர்மாணிக்கும் செயற்திட்டத்தின் கீழ், இப் பாலம் நிர்மாணிப்பதற்கான நடவடிக்கை எடுக்கப்பட்டுள்ளதாகவும் அவர் கூறினார்.

மாகாண உள்ளூராட்சி திணைக்களத்தின் உயர் அதிகாரிகள் மற்றும் பொறியியலாளர் குழுவினர் பாலம் அமையவுள்ள இடத்தை நேரடியாகச் சென்று பார்வையிட்டுச் சென்றுள்ளனர்.

விரைவாக இப்பாலத்தை நிர்மாணிப்பதற்கான பணிகள் ஆரம்பிக்கப்படவுள்ளதாகவும் அவர் மேலும் தெரிவித்தார்.

இப்பாலம் நிர்மாணிக்கப்படும் பட்சத்தில் ஆயிரக்கணக்கான விவசாயிகளும், பொதுமக்களும் நன்மை அடைவார்கள் என்பது குறிப்பிடத்தக்கது.