கசிப்பு தயாரிப்பு; ஒருவர் கைது

நூருல் ஹுதா உமர்

காரைதீவில் சட்டவிரோதமாக கசிப்பு காய்ச்சிய ஒருவர், பொலிஸார் இன்று (08) மேற்கொண்ட திடீர் சுற்றிவளைப்பு நடவடிக்கையில் கைது செய்யப்பட்டுள்ளார்.

சம்மாந்துறை பொலிஸாருக்கு கிடைத்த இரகசியத் தகவலையடுத்து, காரைதீவு பொலிஸ் காவலரன் பொறுப்பதிகாரியும் உப பொலிஸ் பரிசோதகருமான கே.கே. அமரானந்த தலைமையிலான பொலிஸ் குழுவினரால் மேற்கொள்ளப்பட்ட சுற்றிவளைப்பிலையே, இந்தக் கைது நடவடிக்கை நடைபெற்றுள்ளது.

இந்தச் சுற்றிவளைப்பில் காரைதீவு எட்டாம் பிரிவை சேர்ந்த ஒருவர் சந்தேகத்தின் பேரில் கைதுசெய்யப்பட்டுள்ளதுடன், கசிப்புக் காய்ச்சுவதற்குப் பயன்படுத்திய பொருட்களும் 40 கசிப்புப் போத்தல்களும் கைப்பற்றப்பட்டுள்ளன.