கஞ்சா வைத்திருந்தோருக்கு அபராதம்

-ரீ.கே.றஹ்மத்துல்லா

கஞ்சா வைத்திருந்த குற்றச்சாட்டின் பேரில் கைதுசெய்யப்பட்ட மூவரில் ஒருவருக்கு 10,000 ரூபாய் அபராதமும் மற்றைய இருவருக்கு தலா 7,500 ரூபாய் அபராதமும் அக்கரைப்பற்று மாவட்ட நீதிமன்ற நீதிபதியும் மேலதிக நீதவான் நீதிமன்ற நீதவானுமான எச்.எம்.முஹம்மட் பஸீல் இன்று வியாழக்கிழமை விதித்துள்ளார்.

கிடைக்கப்பபெற்ற தகவலைத் தொடர்ந்து அட்டாளைச்சேனை மற்றும் ஒலுவில் ஆகிய இடங்களில் அம்பாறை மற்றும் அக்கரைப்பற்று பொலிஸார் நேற்று புதன்கிழமை மேற்கொண்ட சுற்றிவளைப்பு தேடுதலின் போதே குறித்த மூவரையும் கைதுசெய்ததுடன், அவர்களிடமிருந்து கஞ்சாக் பக்கட்டுக்களையும் கைப்பற்றியுள்ளனர்.