கல்முனை மாநகர சபையின் முதலாவது அமர்வு

-எஸ்.எல்.அப்துல் அஸீஸ்

கல்முனை மாநகர சபையின் முதல்வரை தெரிவு செய்வதற்கான  முதலாவது அமர்வு, நேற்று (2) பகல், கிழக்கு மாகாண உள்ளூராட்சி ஆணையாளர், எம்.வை.எம்.சலீம் தலைமையில் இடம்பெற்றது.

41  உறுப்பினர்களைக் கொண்ட இந்த சபையின், இந்த அமர்வில், சுயேட்சைக் குழு உறுப்பினர்கள் 9 பேரும், தேசிய காங்கிரஸ் கட்சி  உறுப்பினர் ஒருவரும் தவிர்ந்த, ஏனைய 31 உறுப்பினர்களும் கலந்துகொண்டனர்.

இதில் கல்முனை மாநகர சபையின் முதல்வராக, ஸ்ரீ லங்கா முஸ்லிம் காங்கிரஸ் சார்பாக, ஐக்கிய தேசிய கட்சியில் போட்டியிட்ட  ஆதம்பாவ முகம்மது ரஹீப், 22  உறுப்பினர்களின் ஆதரவுடன் தெரிவு செய்யப்பட்டதுடன், பிரதி  முதல்வராக தமிழர் ஐக்கிய விடுதலை முன்னணிக் கட்சி உறுப்பினர் காத்தமுத்து கணேஸ் 15 உறுப்பினர்களின் ஆதரவுடன் தெரிவு செய்யப்பட்டார்.