சர்வோதயபுரத்துக்கு புதிய மைதானம்

“அம்பாறை, பொத்துவில் - ஆத்திமுனை சர்வோதயபுரத்தில், புதிதாக பொது விளையாட்டு மைதானமொன்று அமைப்பதற்கு நடவடிக்கை எடுக்கப்பட்டுள்ளது” என, பொத்துவில் பிரதேச சபையின் முன்னாள் தவிசாளர் எம்.எஸ்.எம்.மர்சூக், நேற்றுத் தெரிவித்தார்.

ஸ்ரீ லங்கா முஸ்லிம் காங்கிரஸின் பிரதித் தலைவரும் விளையாட்டுத்துறை பிரதியமைச்சருமான சட்டத்தரணி எச்.எம்.எம்.ஹரீஸினால், வனவளப் பாதுகாப்புப் பணிப்பாளர் நாயகத்திடம் விடுக்கப்பட்ட வேண்டுகோளுக்கிணங்க, வனவளப் பாதுகாப்புத் திணைக்களத்துக்குச் சொந்தமான 10 ஏக்கர் காணியை, விளையாட்டு மைதானம் அமைப்பதற்கு வழங்குவதாக, பணிப்பாளர் நாயகம் உறுதியளித்தார்” என்றும், அவர் குறிப்பிட்டார்.